Мемлекет басшысы қалалық сенбілікке қатысты

Жаңалықтар
745

Президент Қасым-Жомарт Тоқаев «Жасыл Астана» экологиялық айлығы аясында ұйымдастырылған қалалық сенбілікке қатысып, елордадағы Желілік саябақта ағаш отырғызды.

Мемлекет басшысы сенбілік барысында волонтерлермен және студенттермен әңгімелесті.

– Қазақстан – біздің ортақ үйіміз. Сондықтан үйімізді таза ұстауымыз керек. Ағаш отырғызып, көшелерді тазалауымыз керек. Бұл – біздің азаматтық борышымыз. Бізде басқа ел жоқ. Сондықтан бәріңді жауапкершілігі мол азамат болуға шақырамын. Баршаңызға, әсіресе, волонтерлерге алғыс айтамын, – деді Қасым-Жомарт Тоқаев.

Сонымен қатар Президентке елорданы көгалдандыру және абаттандыру  жоспары таныстырылды.

 

Астана қаласының әкімі Жеңіс Қасымбектің айтуынша, биыл қала аумағында 1 миллионнан астам  жасыл желек, атап айтқанда түрлі ағаш көшеттері мен көпжылдық гүлдер отырғызу жоспарланып отыр.  

Сондай-ақ Есіл өзені бойындағы рекреация аймақтарына және саябақтарға жөндеу жұмыстары жүргізіледі.  

Мемлекет басшысы қала тұрғындарының демалысына қолайлы жағдай жасау маңызды екенін атап өтіп, елорданы абаттандыру ісіне баса назар аударатынын айтты. Сенбілікке қатысқандар 2 түп қарағай және 39 түп жөке көшетін екті.

akorda.kz 

Жаңалықтар

Бүгін елордадағы Жұмекен Нәжімеденов көшесінде жаңадан ашылған қалалық «Орталықтандырылған к...

ДЕГЕН ЕКЕН

“Жігіттер” тобының әншісі, актер, продюсер Бағлан Әбдірайымов оқырмандарымен сырласып, і...